Nov 18, 2024 | 12:01 Yeni nəşrlər
AMEA-nın Məhəmməd Füzuli adına Əlyazmalar İnstitutunun Elmi şurasının qərarı ilə Əlyazmaların və əski çap kitablarının tərcüməsi şöbəsinin müdiri fil.ü.f.d., dosent Əkrəm Bağırovun transfoneliterasiya edərək nəşrə hazırladığı “Qanlı sənələr” kitabı işıq üzü görüb.
Yeni nəşrin elmi redaktoru və kitabda yer alan geniş "Ön söz"ün müəllifi akademik Teymur Kərimlidir.
Geniş oxucu kütləsi üçün nəzərdə tutulmuş, müəllifin ətraflı şərh, izahlar və lüğət əlavə etməklə tərtib etdiyi kitab görkəmli şair, naşir, mühərrir və ictimai xadim Məmməd Səid Ordubadinin “Qanlı sənələr” əsərinin transfoneliterasiya olunmuş variantıdır. Əsər 1905-1906-cı illərdə Qafqazda cərəyan etmiş hadisələr zamanı canlı şahidlərin verdikləri ifadələr, məktublar və dövri mətbuat materialları əsasında yazılıb. Ermənilərin azərbaycanlılara qarşı törətdikləri qanlı soyqırım aktının canlı səhnələrini və nəticələrini əks etdirən bu kitab illər ötsə də, öz tarixi əhəmiyyətini itirməyib.
www.science.gov.az
