AZƏRBAYCAN MİLLİ                  ELMLƏR AKADEMİYASI
HUMANİTAR ELMLƏR BÖLMƏSİ
Nizami Gəncəvinin "Xəmsə"sinin XV əsrin ortalarında köçürülmüş əlyazmasının surəti əldə edilib
Apr 13, 2021 | 09:24 / Mühüm hadisələr
Oxunub 562 dəfə

AMEA-nın Məhəmməd Füzuli adına Əlyazmalar İnstitutu tərəfindən Paris Milli Kitabxanasından Nizami Gəncəvinin dünya ədəbiyyatına tamamilə yeni bir poetik səs, nəfəs gətirmiş "Xəmsə"sinin XV əsrin ortalarında köçürülmüş əlyazmasının surəti əldə edilib.  

Bu haqda məlumat verən institutun direktor müavini, filologiya elmləri doktoru Paşa Kərimov bildirib ki, sözügedən kitabxanada 1112-ci nömrə altında saxlanılan həmin əlyazma 303 vərəqdən ibarətdir. Dörd sütunda yazılan dəyərli sənət incisinin əlyazma surəti gözəl nəstəliq xətti ilə köçürülüb.

Qeyd edək ki, əldə olunan əsərin təkcə ilk və son səhifələri yoxdur.

Copyright © AMEA İnformasiya Texnologiyaları İnstitutu, 2015