Sentyabrın 25-də AMEA Rəyasət Heyətinin iclası keçirilib.

Tədbirdə AMEA-nın prezidenti, akademik Akif Əlizadə “Azərbaycan Xalq Cümhuriyyətinin 100 illiyi (1918-2018)” yubiley medallarını AMEA-nın vitse-prezidentləri, akademiklər – İbrahim Quliyev, Tofiq Nağıyev, Rasim Əliquliyev, Dilqəm Tağıyev və İradə Hüseynovaya, tarix elmləri doktoru Solmaz Rüstəmova-Tohidiyə,  AMEA-nın Fəxri fərmanlarını İctimai Elmlər Bölməsinin akademik-katibi,  akademik Nərgiz Axundovaya,   akademik Nizami Cəfərova və AMEA-nın müxbir üzvü Əli Nuriyevə təqdim edib. Bundan əlavə, AMEA-nın Xatirə nişanı və AMEA-nın professoru diplomları da təqdim olunub.  Həmçinin  AMEA Humanitar Elmlər Bölməsi üzrə  filologiya üzrə elmlər doktorları Sevinc Əliyevaya, Səhər Orucovaya və Salidə Şərifovaya AMEA-nın professoru diplomları da təqdim olunub.