AZƏRBAYCAN MİLLİ                  ELMLƏR AKADEMİYASI
HUMANİTAR ELMLƏR BÖLMƏSİ
“Türk dilllərində məsdərlər və feili isimlər” adlı kitab rus dilində çap olunub
İyn 20, 2018 | 09:47 / Yeni nəşrlər
Oxunub 127 dəfə

AMEA Nəsimi adına Dilçilik İnstitutunun elmi katibi, filologiya üzrə fəlsəfə doktoru, dosent Aynel Məşədiyevanın “Инфинитивы и имена действия в тюркских языках” (“Türk dilllərində məsdərlər və feili isimlər”) kitabı işıq üzü görüb.

Monoqrafiya türk dillərində və onların dialektlərində məsdərlərin, birincili və ikincili feili isimlərin leksik-semantik ma­hiy­yətinin və morfoloji-sintaktik əlamətlərinin müqayisəli-tarixi təhlilinə həsr olunub. Hər bir məsdər və feili isim formasının müfəssəl təhlili onların həm oxşar, həm də diferensial morfoloji-sintaktik və fonetik xüsusiyyət­ləri­nin aşkar edilməsinə imkan verib. Bundan əlavə, kitabda türk dillərində məsdərlərin və feili isimlərin əsas anla­yışları, terminləri və onların təsnifat prinsipləri araşdırılıb.

Monoqrafiyada türk dillərində və onların dialektlərində hər bir məsdər və feili isim şəkilçilərinin tarixi inkişaf gedişi izlənilib və etimologiyası öyrənilib. Bundan başqa, onların türk dillərində daha yayılmış növləri müəyyənləşdirilib. Kitabda həmçinin türk dillərində məsdərlərin və feili isimlərin başqa forma­lar­la genetik qohumluğu izlənilib.

Kitabın redaktoru professor Rüfət Rüstəmov, rəyçilər professorlar Sayalı Sadıqova və Məhərrəm Məmmədlidir.

Monoqrafiya filoloq və şərqşünas-türkoloqlar üçün tövsiyə olunur.

© Bütün hüquqlar qorunur. Xəbərlərdən istifadə edərkən www.heb.science.gov.az saytına istinad zəruridir.

Copyright © AMEA İnformasiya Texnologiyaları İnstitutu, 2015