AZƏRBAYCAN MİLLİ                  ELMLƏR AKADEMİYASI
HUMANİTAR ELMLƏR BÖLMƏSİ
“Gənc muzeyşünaslar və muzeysevərlər klubu”nun üzvləri Hüseyn Cavidin Ev Muzeyində olublar
Apr 13, 2018 | 05:01 / Görüşlər
Oxunub 20 dəfə

AMEA  Hüseyn Cavidin Ev Muzeyində  “Muzeylərimizi tanıyaq və tanıtdıraq” layihəsi  çərçivəsində  Milli Azərbaycan Tarix Muzeyi “Gənc muzeyşünaslar və muzeysevərlər klubu”nun üzvləri  ilə Hüseyn Cavidin Ev Muzeyinin əməkdaşları arasında görüş təşkil olunub.

“Muzeylərimizi tanıyaq və tanıtdıraq” layihəsi çərçivəsində reallaşdırılan tədbirin məqsədi muzeyşünaslıq ixtisası üzrə təhsil alan tələbələrin muzey işi sahəsinə dərindən yiyələnmələrinə kömək etmək, müxtəlif istiqamətli muzeylərin iş üslubu ilə yaxından tanış olmalarına şərait yaratmaqdır.

Ekspozisiya ilə yaxından tanış olan gənc muzeyşünaslar Hüseyn Cavid və cavidlər irsinə həsr olunan kitablardan ibarət sərgiyə böyük maraq göstəriblər.  

 Elmlə təhsilin qarşılıqlı vəhdəti çərçivəsində mütəmadi olaraq keçirilən bu cür tədbirlərin məktəblilərin, tələbələrin dünyagörüşünün və bədii zövqlərinin formalaşmasında xüsusi əhəmiyyəti var.

Copyright © AMEA İnformasiya Texnologiyaları İnstitutu, 2015