AZƏRBAYCAN MİLLİ                  ELMLƏR AKADEMİYASI
HUMANİTAR ELMLƏR BÖLMƏSİ
Foto
“Qədim türk dastanları” kitabının təqdimat mərasimi keçirilib
Mart 15, 2017 | 10:26 /
Oxunub 83 dəfə

14 mart 2017-ci il Yazıçılar Birliyinin Natəvan Klubunda “Qədim türk dastanları” kitabının təqdimat mərasimi keçirilib. “Qədim türk dastanları” kitabı qədim Saka dastanları, Hun-Oğuz dastanları, Göytürk dastanları, Uyğur dastanları və Orta çağ türk dastanlarından ibarət nümunələrdən toplanaraq, geniş oxucu kütləsi üçün nəzərdə tutulub. 
Kitab Azərbaycan Respublikası Mədəniyyət və Turizm Nazirliyinin maliyyə vəsaiti və N. Gəncəvi adına Ədəbiyyat Muzeyinin dəstəyi ilə “Gələcəyə addım” Sosial İnkişaf İctimai Birliyinin “Türk dünyası ədəbi abidələri” layihəsi çərçivəsində nəşr olunmuşdur. Kitabın redaktoru və ön söz müəllifi filologiya elmləri doktoru, AMEA-nın həqiqi üzvü, professor, akademik, millət vəkili, Azərbaycan Respublikasının Milli Məclisin Mədəniyyət komitəsinin sədri, Nizami Gəncəvi adına Milli Azərbaycan Ədəbiyyatı Muzeyinin direktoru Rafael Hüseynovdur
Layihənin məqsədi türkdilli xalqların əski dünyagörüşünü, düşüncə tərzini, arzu və istəklərinə uyğun yaranmış, gerçəkliklə bağlı, eyni zamanda reallıqdan kənar fantastik təfəkkürünü əks etdirən ən qədim dastanlarının bir kitabda toplanmasıdır. 
Tədbiri giriş sözü ilə açan tanınmış yazıçımız Çingiz Abdullayev  “Qədim türk dastanları” kitabının çap olunmasının mühum addım kimi dəyərləndirib.
“Hər bir xalq öz milli kimliyinə öyrənməlidir. Bu cür kitablar müxtəlif dillərə çap olunmladır ki,dünya arenasına çıxa bilsin”.
Mərasimin açılış nitqində layihə rəhbəri Ayla Həsənova tarixini, öz kökünü bilən hər bir şəxsin vətəninə daha hörmətlə, sevgi ilə yanaşaraq onun mühafizəsi və inkişafında daha yaxından iştirak etmək istəyəcəyini və “Türk dünyası ədəbi abidələri” layihəsinin ideyasının məhz bu səbəblə yarandığını bildirmişdir. Daha sonra o, türk xalqlarının birliyinin möhkəmləndirilməsi, onlar arasında mənəvi körpülərin qorunması, milli kökə qayıdış və ortaq dəyərlərimizin böyüməkdə olan gənc nəsil arasında təbliğinin layihənin əsas vəzifəsi olduğunu qeyd etmişdir.
Təqdimat mərasimində dövlət rəsmiləri, ictimaiyyət tərəfindən sevilən mədəniyyət və incəsənət xadimləri, QHT və media nümayəndələri və digər qonaqlar iştirak edib.

http://www.movqe.az/news/medeniyyet/97894.html

http://avrasiya.net/medeniyyet/14757-qdim-trk-dastanlar-kitabnn-tqdimat-mrasimi-keirilib.html

Copyright © AMEA İnformasiya Texnologiyaları İnstitutu, 2015